V E N D I M

Dekanati i Fakultetit të Shkencave Sociale vendosi kriteret për pedagogë me kohë të pjesshme për vitin akademik 2018-2019:

KRITERET PËR STAF AKADEMIK ME KOHË TË PJESSHME

Kandidatët konkurrentë duhet të plotësojnë këto kritere të përgjithshme:

1. Të jetë të diplomuar të paktën në dy cikle në fushën përkatëse sipas programeve mësimore të Departamentit përkatës.
2. Të ketë notën mesatare mbi 8 të ciklit të parë dhe të dytë të studimeve.
3. Të zotërojë me dëshmi së paku një gjuhë të huaj perëndimore.
4. Të mos jetë i dënuar me vendim të formës së prerë nga gjykata.

Kandidatët konkurrentë preferohet të plotësojnë edhe këto kritere të vecanta:

1. Preferohet të jetë i/e punësuar në sektorin publik apo privat.
2. Preferohet zotërimi i gradës Doktor, Doktor në proces ose tituj të tjerë akademikë.
3. Preferohet të jetë i/e diplomuar në universitete perëndimore.
4. Të ketë përvojë në fushën e mësimdhënies akademike.
5. Të ketë aftësi prezantuese në fushën në të cilën aplikon.

Kandidatët konkurrentë duhet të paraqesin këtë dokumentacion:

1. Kërkesë me shkrim (fusha e ekspertizës dhe interesit).
2. Curriculum vitae.
3. Diplomë e studimeve universitare (fotokopje e noterizuar).Për diplomat e marra në universitetet e huaja, duhet të dorëzohet fotokopje e noterizuar e çertifikatës së njohjes nga organi kompetent.
4. Listë notash (fotokopje e noterizuar).
5. Vërtetim pune.
6. Dëshmi e kualifikimeve pasuniversitare ose të gradave dhe titujve (fotokopje e noterizuar). Për diplomat Master dhe PHD të marra në universitetet e huaja, duhet të dorëzohet fotokopje e noterizuar e çertifikatës së njohjes nga organi kompetent ose vërtetim që janë në proces njohje.
7. Dëshmi e pjesëmarrjes në konferenca apo seminare, workshop etj. (fotokopje e noterizuar).
8. Dëshmi penaliteti.
9. Dëshmi e zotërimit të gjuhës së huaj (fotokopje e noterizuar).
10. Kopje e botimeve, artikujve, teksteve, revistave, projekte shkencorë etj.

Afatet e aplikimit për pedagogë me kohë të pjesshme janë nga data 18.09.2018 deri në datën 05.10.2018, ora 8:00-16:00, pranë departamenteve përkatëse.