Cikli i II-të Master i Shkencave
Programet e studimit Master i Shkencave
Master i Shkencave Departamenti “Filozofi”
Aspektet kryesore të veprimtarisë së MSH janë: mësimdhënia, kërkimi, debati për çështje të ndryshme të fushës së Etikës dhe Lidershipit, në ditët e sotme dhe botimet. Veprimtaria mësimore zhvillohet në bazë të planeve dhe të programeve mësimore bashkëkohore të bazuara në modelet e shkollave analoge evropiane.Veprimtaria kërkimore është e orientuar kryesisht në studimin e çështjeve bashkëkohore për secilin nga drejtimet dhe realizohet nëpërmjet tezave dhe projekteve të kërkimit.
Master i Shkencave Departamenti “Pedagogji - Psikologji”
Masteri i Shkencave “Psikologji Shkollore” ka si objektiv të përgjithshëm që të formojë profesionistë kompetentë në fushën e psikologjisë shkollore, duke u mundësuar atyre që të fitojnë dije, aftësi për të vepruar dhe për të qenë, të domosdoshme në punën e tyre në praktikë dhe në studime më të të thella në aspektin akademik lidhur me këtë fushë.
Master i Shkencave Departamenti “Punë dhe Politikë Sociale”
Ky program studimesh do ti mundësojë studentëve të zhvillojnë njohuritë dhe aftësitë e nevojshme teorike dhe analitike në fushën e diversitetit dhe mundësive të barabarta për të kuptuar dhe analizuar realitetin dhe për të përfshirë këtë qasje në planifikim e realizim programesh, politikash dhe shërbimesh me pjesëmarrjen e grupeve vulnerabël për të synuar përfshirjen sociale dhe zhvillimin e qëndrueshëm.
Master i Shkencave Departamenti “Sociologji”
Në këtë program konsiderohet studimi i faktorëve shoqërorë që ndikojnë në kurbën e zhvillimit të shoqërisë. Në këtë program studimi studiohen dhe analizohen nga pikëpamja sociologjike problemet e familjes, perspektiva e zhvillimeve urbane, shtyllat e zhvillimit ekonomik të qëndrueshëm, dinamikat e zhvillimit të popullsisë së grupmoshave të ndryshme, sfidat e përfshirjes sociale, dinamikat e konfliktit shoqëror bashkëkohor, proceset demokratizuese dhe sistemet zgjedhorë, perspektivat ndërkulturore sociale dhe diversitetin në të gjitha format e tij.
Master i Shkencave Departamenti “Shkenca Politike”
Masteri i Shkencave në “Studime rajonale politike” ka si synim të thellojë njohuritë e studentëve në fushën e marrëdhënieve ndërkombëtare, duke u fokusuar kryesisht në zhvillimet e Rajonit. Lëndët e ofruara thellojnë njohuritë mbi historinë, sistemet politike, identitetet kulturore, gjeografinë ekonomike etj…, të Evropës Juglindore. Gjithashtu, ofrohen në nivel të thelluar një sërë lëndësh me qëllim krijimin e aftësive dhe kompetencave të nevojshme për tregun e punës, si metodat e kërkimit apo gjuhë e huaj e rajonit.